Posted in: 生活, 閱讀, 隨心 |
回應(3) | 回應的RSS | 暫時未有引用通告| 
(0)
. 
!)和整個鬼故事的淒怨. 聽說粵語殘片時也有一套大鬧廣昌隆,亦是講鬼,也很不錯;而此現代版,許多人都好喜歡,整套劇又好有戲味,否則無記亦不會安排它做第二黃金夜鬼時段(十二時十五分後的一粒鐘)的重播劇目.
. Posted in: 日記, 電視, 隨心 |
回應(10) | 回應的RSS | 暫時未有引用通告| (0)
Posted in: 日記, 音樂, 隨心 |
回應(3) | 回應的RSS | 暫時未有引用通告| (0)
電話响,黃婆婆接電話…
黃婆婆: ’喂,邊位?’
神秘男: ’係咪亞黃婆呀?’
黃婆婆: ’係呀,咩樹呀?’
神秘男: ’黃婆吓話,我係你個仔嘅同事阿九仔呀,你個仔喺大陸深圳撞車,重傷昏迷入咗深圳醫院,緊急要十零萬俾醫葯費,你呢家攞埋個存摺簿仔同個圖章落嚟樓下,我同你去提錢啦….’
黃婆婆: ’()&^%老#!)(&^….吖,你個死神棍,想昆我啲棺材本,第二世啦; 我個仔係就係喺醫院,不過喺廣州第一人民醫院,呢期醫緊癡肥,成三百幾磅,咪話上車揸車,連出個門口都成問題! 肥到十幾年郁唔到半步,點做嘢你話,何來有同事!,你個x街….’
’電話响,毛婆婆接電話…
毛婆婆: ’喂,邊位?’
神秘男: ’係咪亞毛婆呀?’
毛婆婆: ’係呀,咩樹呀?’
神秘男: ’毛婆吓話,我係你個仔嘅同事阿七仔呀,你個仔呢家俾人呃咗十幾萬仲俾人禁錮住,你最好呢家攞埋個存摺簿仔同個圖章落嚟樓下,我同你去提錢救佢啦….….’
毛婆婆: ’()&^%老#!)(&^….吖,呢個衰仔,又話學人做神棍專呃人錢,仲話啲亞公亞毛錢最易手到拿來,揾到幾多同我五五分賬養我,呢家居然呃唔到人兼俾人呃番轉頭,冇鬼用,主意佢我就餓鬼死,都叫佢去進修吓呢方面專業知識先啦,唉,我冇錢o架,你叫佢自己救自己啦 …..我家陣忙住去呃阿公阿婆錢,唔係好得閒,自便啦….係咁先啦吓…’
’
)Posted in: 生活, 消閒/嗜好, 隨心 |
按此回應 | 回應的RSS | 暫時未有引用通告| (0)
電話响,陳婆婆接電話…
陳婆婆: ’喂,邊位?’
神秘男: ’係咪亞陳婆呀?’
陳婆婆: ’係呀,咩樹呀?’
神秘男: ’陳婆呀話,你全名係咪叫陳皮妹呀?’
陳婆婆: ’係呀,咩樹呀?’
神秘男: ’我係社會福利署嘅職員呀…你出生果金嗰度突然好似有啲問題,要即刻攪攪佢喎,如果唔係下期攞唔到個喎…’
陳婆婆: ’係? 哦,好啦,拜拜…’
神秘男(勞氣): ’喂,亞婆,我都未講完,你做咩咁快收線呀,我講緊你啲生果金呀,你啲錢呀…..‘
陳婆婆: ’哦,係咩,咁你就慢慢繼續講啦吓,拜拜…’
神秘男(發老脾): ’喂,亞婆,你明唔明呀,嗱,我講多次,你出生果金嗰度呢家係好有問題,要即刻攪如果唔係永世出唔到俾你,知冇! 呢家我喺你樓下等你,你攞埋個存摺簿仔同個圖章,俾我同你check吓個戶口有冇問題.’
陳婆婆: ’哦,係咩,拜拜…’
神秘男(發脾四): ’喂,喂,亞婆,你係咪有問題呀? 講緊錢喎? 你咁唔緊嘅? 其他呀公呀婆一聽到我咁講就走鬼咁快仆到落嚟(俾我呃),你係咪撞聾呀?’
陳婆婆(懶洋洋咁): ’亞腥,算啦,我都呃咗咁耐生果金,呃到呢家先話唔俾我,我賺哂o架嘞, 我都唔怨囉,我嗰幾百萬棺材本喺枕頭底成卅幾年都未洗過,莫講話啲生果金….仲有呀,我住喺淺水灣擎天花園帝豪金皇閣(李瓜成附近)最頂樓喎,樓下成百九幾個食蕉,個個大大隻隻,你冇理由可以喺我樓下等我個喎…你快啲走啦,啲食蕉惡過狗o架…….實打x你o架……’
’)Posted in: 生活, 消閒/嗜好, 隨心 |
按此回應 | 回應的RSS | 暫時未有引用通告| (0)
終於想到個既有意思又切合自己性格的名字了. 就像許多小孩子一樣, 好想時時刻刻都尋找得到快樂.
Posted in: 日記, 生活, 隨心 |
回應(22) | 回應的RSS | 暫時未有引用通告| (0)
年紀漸長,胃口不知何解漸漸變少(壓力?心情?…食buffet實蝕),無復以往十八廿二時般的’羅通掃北,狼吞虎嚥,狼過華秀’形食法; 而自己對食的要求亦不很高,所以現在家裡吃時,清清淡淡又成一餐,不過主要都是以麪食為主. 算吧,平時外頭吃得免不了的那麼油膩,況且吃少點又可當減肥,一舉兩得. 我時常和朋友開玩笑說:’睇吓等我愈食愈少,再遲啲練仙,成’辟穀’之身,唔洗食,唔洗做(即番工),唔洗受氣.’
但是有四種’危險品’如果放在我面前,我胃口必定暴然大增,一定要以熱辣辣白飯靚仔佐之,連幹它三大碗方休. 那就是現在很少人會’單’吃的:腐乳,鹹蛋,白飯魚,餸汁. 我強調是單吃,即是沒有其他配料,不伴其他食物,’齋’食. 通常腐乳是用來伴椒絲炒通菜,鹹蛋是四寳飯的副角或是切碎做金銀蛋,白飯魚是蒸肉餅或是炒至香脆做酒樓晚飯的前菜小碟.
腐乳,老一輩叫做’白斬雞’. 通常單吃時都會沾幾滴麻油,下些砂糖,一磚磚白雪雪,就此下飯. 初時你會蘸一下腐乳,送一口飯,漸漸會蘸兩下,一口飯,再來是蘸幾下(甚至一pat過),一口飯…. 越吃越滋味,清淡中見濃郁,整磚不知不覺間消失得無影無踪. 記著,此君不可時時食,餐餐吃….當你偶爾來一次,實在是妙不可言; 就像間中來口烈酒,淺嚐輒止,入心入肺,點滴在心頭.
鹹蛋,在大x樂或大快x吃的四寳飯裡頭,通常蛋白死鹹,蛋黃都是色枯而乾涸,嚼下去時會有咬崩牙的感覺,味同嚼蠟,雞肋也. 靚鹹蛋是蛋白清鹹,蛋黃橙金黃色而味甘濃,往往一刀切開後蛋黃油溢出,仿此美女眼邊掛著的幾滴淚,十分誘人,真箇是食色也,實在要啖之而後快,’空口都要嚟番啖’.
白飯魚,其實分兩種:一種就是常見的白黃色身小的鹹乾魚仔,另外一種就是色烏粗身略大,比較硬而有咬頭. 煮飯時放進飯煲同蒸. 吃時落豉油(生抽)熟油. 沒有太濃烈的香味,但只要挾一撮熱烘烘放進口,咬幾回,即欲罷不能. 本身魚仔不太鹹,但甘香得很. 吃時要一大箸挾起,大口大口嚼,方才過癮.
餸汁,有人認為太不衞生,’食人口水尾’…但食家蔡瀾和李純恩皆推崇備致. 其實可以眾人下箸前先用來撈飯. 有時候對主菜不感興趣,反而我會虎視眈眈那些汁. 那些餸汁最好味? 那個蒸完海上鮮帶著鮮魚味的豉油汁,炸菜蒸牛肉的汁,o架喱雞的那個汁,土魷蒸肉餅的汁……等等….只要待餸汁仍熱辣辣時,塗在白飯上,拌幾拌撈幾撈,香氣四飄,’食到耳仔都郁’,不再需要其他菜,只此一道,足矣,簡直 無以上之. 用豬油撈飯亦是令人難以抗拒.
每次以這四種危險品拌飯後,小弟必定會像西遊記的豬八戒,捧著肚子大呼:’老豬飽矣…’. 其實這麼簡陋的吃法,是這一輩現代社會的父母不捨得給子女食的餸菜. 但是對於我這一輩小時家貧而父母要出外工作的孩子,這些東西是’上味’,長大後再吃是’古上味’. 請不要以為這些是賤貨賤東西,偶然吃吃,味絶不遜山珍海錯,一定回味無窮.
不得了不得了,我發覺面前的keyboard都沾滿了我不斷流的口水(像異形般)…..,我想要停筆了…….好肚餓呀(怪叫)~~~
Posted in: 生活, 飲食, 隨心 |
回應(1) | 回應的RSS | 暫時未有引用通告| (1)
