童顏懼雨

昨晚無記的'向世界出發'. 新一輯的是林嘉欣走訪吳橋探訪一眾苦練雜技希望他朝成才的尋夢孩子們. 其中一幕看到了一位幾歲小妹子忍不了苦練軟体動作時的痛苦而哭泣,被老師嚴厲的叱責,之後含淚再練,看得我鼻子酸酸…再之後更聽到他們作另外更上一級的訓練裡,因肢体扭曲而發出的呻吟痛苦聲….啊….他們不是我的孩子不是我的親人,但是我也聽得起了雞皮疙瘩,感到陣陣刺心之痛,再也不忍看下去,帶上耳筒聽其音樂.

雖說這群小朋友是有做雜技明星的夢,但如果他們家裡有錢,沒捱窮,可以供他們讀書,何來千山萬水離鄉別井來學雜技,小小身軀承担如此寄望與家庭的担子呢…..

人生太苦…..一出生就已經受苦,受七情六慾之苦,受生死老病之苦…….只不過是區區黃口孺子,為甚這個年紀要受連大人都捱不了的赤苦?

….可以笑我幼稚,但在香港有多少父母會逼他們的孩子去受同樣之苦? 況且只會縱容他們罷了. 所以現在的香港的孩子委實幸福. 

一向認為擁有幽默感的人,會是比較易在複雜人際關係中打滾的人. 而且更會受人歡迎,想也是當然的,試問有誰不喜歡被人梪得開心,不喜歡笑呢? 但是,何謂幽默?

自己名副其實”四眼仔佬”一名. 由細戴眼鏡戴到大,小學尾已經開始眼矇矇(可能嗰時讀書勤力,都考第二o架年年,仲越級溝識到件班花,幾勁),但係俾老媽子寃枉我見人家戴眼鏡,自己又想戴斯文先講大話. 到咗上中學冇幾耐己經頂唔順,隻眼咪到成條線咁滯,條頸伸到盡向前睇黑板,好似'夾'女人裙底咁款,個樣極為鹹濕,攪到啲女書友怕哂我,無奈! 伸冤呀! 包大人….

***

於是就咁開始咗四眼龜生涯嘞. 以前啲鏡框,有咁大得咁死大,又方,戴咗成個X-men嗰個cyclops咁樣樣,以為隨時會發射死光;色又核鬼突,咩玳瑁色呀,一係就啡到似拔蘭地,自己近視都頗深,啲圈圈多到好似萬花茼咁,勁似densha otaku,電車男; 都唔明嗰時自己個腦諗乜,審美眼光簡直超然,如果今時今日用嚟揀女朋友,就真係要即刻嚟杯大檸樂. 隨著年紀長大,眼鏡框同鏡片嘅size就愈變愈細(好似講緊啲流行三點式咁,愈嚟愈少布,),愈接近眼睛外形. 黑色,鋼鉄色,金色(俗氣到呢),無框,合金框,成吋厚膠鏡,玻璃鏡,纖維鏡,到呢家銀色鈦金屬超輕量彈弓臂橢圓形框+超薄纖維鏡(淨係個名都夠勁夠無敵夠cyber嘞呱),自己呢個眼鏡組合係最令人滿意. 呢個組合亦都係最少青苔生嘅.以前啲膠鏡框,坑位多,易藏垢,汗水多時最易養啲寵物青苔,攪到鏡片青bb,諗起都幾恐怖.

***

最近有感太耐冇驗眼,又有啲心思思同痕癢想換款,想試吓呢家興嗰啲笨實粗邊黑膠眶. 於是走去驗眼先,然後試吓啲框…..測試結果係左眼-25近視但+25 散光. 個視光師阿叔以極專家嘅差佬口吻同我講:'你有權選擇配過對新嘅,又或者保持keep住呢對…'可能佢睇得多警匪片,幾驚佢講完攞對孖葉'搭'我返差館. 咁配唔配就取決於個框啱唔啱心水,吸唔吸引倒小弟….叫個sales靚姐姐麻煩佢拎幾副笨實鏡俾我試試. 我睇咗一輪,拎起副個款係最笨實嘅戴上面,向鏡一睇…………'而咦,唔掂!實在太笨實!'自己實在忍唔住口吐惡言,當望見鏡入面嗰副尊容. 個靚姐姐突然'嗤'一聲爆笑出嚟,唔好意思咁跟住掩住個小咀….本身小弟個樣已經夠實吓實吓,再加埋呢副地上最強笨實黑膠長方形鏡框,簡直係(笨實)²! 我驚出到老旺會俾人tum..….最後,我慳番筆,唔洗配住,將啲$$疏導咗去玩具舖放血…..

秋日的傍晚,我看見妳眼裏凝留的點點黃昏;

疲憊於群眾的紛擾,我看見妳柔情的凝眸中…………..,只有我.