童顏懼雨

今日係一支公壽辰呀!!!!!!

2006年04月09日

各位,今日係我老友一支公佢生日呀! 唔介意一齊祝佢一句

*** ***

生日快樂吖!!!!!

*** ***

一支公,又大一歲,大個仔嘞

大家想唔想知佢今年幾多’歐’呢? 哈哈,詳細請click吓啦….哈哈,一支公,我終於都可以爆你大鑊嘞,哈哈哈

(閱讀全文)

Posted in: 日記, 朋友, 生活 |
回應(7) | 回應的RSS | 暫時未有引用通告| (0)

童顏執位記

2006年04月08日

由於新上工不久,頭三星期被安置在一個臨時位辦工. 終於,前幾天秘書通知有一個正式partition給我,於是小弟滿心歡喜去參觀自己”新地盤”;誰知”不看由自可,一看把幾火”…………..

(閱讀全文)

Posted in: 日記, 生活, 隨心 |
回應(9) | 回應的RSS | 暫時未有引用通告| (0)

黃昏

2006年04月07日

美好的東西或許都是短暫而絢爛,令人為之目眩,印象深刻,永誌難忘. 就似黃昏一刻,由金黃落日直到潑墨虛空,彷如彈指之間擦肩而過,去之若順水下舟,一過不返; 如果錯失此間須臾美景,定會恨悔綿綿,茫然若失.

***

這天,我實在要找緊溜之如風的黃昏景致. 默默的選坐在平坦的石上,凝神望著半缺火紅的日輪,在灑金的空氣中,隨隨西沉. 歸鳥亂鳴,人字群飛. 歸帆並舉,懶洋洋的在浮波中漂航. 海面上的白頭浪因潮退而一排排湧向朝陽,染成金浪黃波. 退去的浪跡下,在細沙上有很多的彩貝與小生命,在金光中匍匐著.

我一襟夕照,沐浴在一天裡最後一分盡放的光與熱;蒸騰的熾熱令我清醒舒暢,暖和透体而生;與清風互相交心,低訴我的愁懷,我的困倦. 我的情緒溶於大氣中,讓清風把它帶到滿天煙霞中,由層層疊疊的彩雲把我的衷情傳遞開去,送到她的胸懷,與她共存.

日暮西山的一刻,太陽在地平線沒入,躍然消失,退到我未知的空間;終於在豪光萬象的天空間,靜悄悄地掛上灰沉的幕幔,隱閉了萬物,為黃昏夕落殘酷的畫上句號,作了無言的結局. 豐富燦爛的色采瞬間被大大筆的掃上一抹玄烏,光與影的魔法下,黃昏不見了.

***

我倚於降臨良久的漆黑夜空,牽著一絲微妙的感嘆,一腔懊惱的失落;一面感受著由日入夜的氣温轉變,在涼風的撫拂下打了一個哆嗦; 呆望遠海初上的燈火閃爍,隨着海天與地在黑暗中融為一片而隱隱泛起的孤寂,心下悵然,低迴不已. 月映斜照,我懷抱希冀的心,期盼著明天的黃昏,再次為心底裡的妳,獻上木納的我片片真摯熱情的祝福,和帶淚的思念.

Posted in: 日記, 寫作, 隨心 |
回應(1) | 回應的RSS | 暫時未有引用通告| (2)

人細鬼大

2006年04月05日

細細個時,有好多古靈精怪諗頭. 每當眼光光瞓唔著,或者睇完公仔書刺激起個大腦,就左思右想,發吓夢,大話吓西遊….以下係我呢家都記得嘅小想法大諗頭:

1) 想時間停止,全世界定哂,得我郁得,咁就可以做吓壞事,例如入玩具舖任攞玩具超合金,去文具舖攞啲得意新奇嘅筆盒,擦紙膠,畫筆…到書報攤睇免費公仔書,漫畫連環圖,甚至鹹濕書

….天大地大任我行,我惡哂.

2) 識六脈神劍,九陽神功. 哈哈,睇得多玉郎啲龍虎門,自己都想有番兩樣武功旁吓身咁…一有衰鬼同學仔’恰’我,即刻運功,炳佢哋鑊甘…一唔係就神不知鬼覺用六脈神劍喺人群中,兜嘢射落去隔離中學啲死飛仔個蘿柚處,仲要喺同一處連射兩三嘢洩忿,等佢哋平時蝦我哋啲小學生吖嗱…射到佢哋出煙兼流蚊飯…哈..

當然更想喺班花面前威威啦…..

3) 想飛. 想自己可以隨時縮細,坐落去自己啲高達模型呀,MACROSS戰機呀,機械人超合金裡頭,日日楂住啲唔同嘅心愛機械人遊遍香港,唔怕日曬兩淋,打十號風出街都冇有怕,真係強呀….嘻嘻…

***

到大個咗,呢家老餅一名,都仲懷住赤子心(即係大唔透,大細路,扮幼稚),都有啲大妄想,如下:

1) 想有預知能力. 唔洗多講,梗係為$$啦. 早啲知道下期六合彩咩號碼或者3T邊幾隻馬仔,嘩,真係用一次就夠本!

2) 想識武功或法術. 梗係想警惡懲奸啦. 出嚟做嘢咁耐,見盡無數妖怪,魅魑魍魉. 擦鞋,扮嘢,玩官僚,變態,見高拜,金手指,見風轉舵,虐待下屬,無料充四條,施媚功電老細,賤人豬扒扮上菜,通通我都想用六脈神劍射爆佢哋蘿柚,或用法術跣到佢哋’攤攤’腰,大快人心…..(其實可能我都有啲變態

)

3) 想飛. 同細個一樣,坐住啲超合金魂通天飛,番工一兩分鐘就到公司,咁就可以瞓到最後一分鐘先起身,唔洗逼地鐵,同啲臭崩崩麻甩佬面貼面玩斷背……唔知邊個話:死蠢,用叮噹塊隨意門咪至快囉….係就係,不過我又鍾意遊吓飛機河,欣賞吓維港景色,好黑心咁喺天處睇吓啲人為番工趕到PK….穿雲過山,到處遊覽,睇乜都係樂趣.

4) 想做神棍. 時靈時唔靈,同人睇吓掌,觀吓面相,俾幾個字啲靚女測吓姻緣,等佢哋信以為真,半信半疑,芳心洩喜,方寸大亂,心如鹿撞…嘻嘻,睇見佢哋徘徊於愛情之間,乍喜乍驚,到最後都係要俾幾百我手,再贈幾句,真好玩,哈哈(開始變態,瘋狂中)….

Posted in: 日記, 生活, 隨心 |
回應(12) | 回應的RSS | 暫時未有引用通告| (0)

型

2006年04月02日

今朝飲茶時,隔離枱一班十鬆歲(應該係小六至初中之間)嘅o靚妹吱吱喳喳不停大聲發表,嘈到拆天,節錄一啲佢哋嘅偉論….

***

妹A 　:　’吳唱K幾型呀，唱歌又掂．．．’

妹B 　:　’且，型你個頭，則田先型呀！唱歌好冧o架．．．佢戴起頂帽前後都咁型仔呀！．．’

妹C 　:　’摺埋啦你哋！妳嗰兩個咁叫型，一個”懶”型，一個M頭，哈哈哈．．．（番開本雜誌揭俾佢哋睇）．．．嗱，呢個就型嘞，叫速水直道呀，型到爆，六呎幾呀，做我條仔就好嘞．．．’

妹A　:　’咁你之前個阿RAIN呢？．．．’

妹C　：　’一樣咁型囉！你哋有冇睇佢個廣告呀，幫條女化粧呀，勁冧呀，如果係我就超正嘞，WOW….’

***

唉呀．．．哈哈

，小弟我聽到皺哂眉，哭笑不得．我嗰時只係明白到兩樣嘢：１）時代唔同，審美眼光都會隨時間而有別；２）少女情懷總是詩，千祈唔好喺佢哋嘅思春年期同佢哋爭論邊個型啲邊個靚仔啲，分分鐘會無命；佢哋多心嘅程度，就好似十多年前”一本大便”問啲麻甩佬，鍾意葉子楣多啲定葉玉卿多啲．．．佢哋嘅反應就似妹C一樣，掰大眼，流哂口水答話：”X,兩個都咁大咁姣，梗係要哂啦！

，戇X”

Posted in: 日記, 生活, 隨心 |
回應(13) | 回應的RSS | 暫時未有引用通告| (0)