又 地 震 ??
2007年01月11日真人真事.
上星期日與家人上茶樓飲茶.
全神貫注嘆報紙到中途,正想起筷吔個乾蒸牛肉球,突然間,連人帶椅,竟開始微震!! 震動幅度及力度恰恰好與上次香港感受到嗰款地震一樣(嗰次我都係坐著強烈感受到震動). 我以為自己太敏感,於是定一定神,再感覺孰真孰假,真真又來一次餘震抑或係自己極度飢餓下所以抖震…….哎呀,我筷子上個牛肉球連住嘅嗰塊腐皮都輕輕吊吊FING,即將飛脫啦…真震呀,大佬! 絶唔係發夢呀!……
跟住,我向住老媽子怪叫:'又地震呀,又嚟呀,你哋FEEL唔FEEL到呀? 你哋睇,我個身真係震緊呀!' 說話同時,佢哋詫異地望向我,而我亦同時環視周圍其他食客….大家都無異樣活動,點解我會好似貓王咁震嘅呢……???????
….
….
….
….
….
….
….
….
….
….
….
….
老媽子望一望我,再朝向我背後望去……..
我下意識舉頭向後望….冇人喺我後面企著移動我喎! 再睇真一啲…..
….
….
….
….
….
….
….
….
….
….
….
嘩,我X! 我終於發現:原來我張櫈緊貼住後面張櫈,而嗰張櫈上面坐住個似丐幫八袋掌老嘅正宗麻甩佬(衣衫襤褸,頭又唔梳,成個雞竇咁樣樣),再搭埋同枱佢兩位麻甩仔一齊印腳,扒佢個街吖! 佢哋以同一拍子同一共鳴律一齊狂印,而三個合埋嘅總震動度絶對超過三個人嘅總和,有可能係三次方或者乘埋個PI都唔定….一連串嘅震動,就好似天龍八部入面嗰段講亞段譽SAN用北冥神功盡吸南海鱷神同其他幾位江湖高手嘅內功一樣,源源不絕咁導向我將櫈處,我完完全全十成受哂,攪到我震到似師傅到,上身咁滯!!!!! F&#$^)^!老&!^%#&^仆U&^C%$?>街^K%$母!!!!! 真係要斬幾両我至鍾意嘅'釗記'鹵味過呢三條木咀吔吓嘞真係.
就算我抽離咗將椅,都仍然感受到地板傳嚟嘅震幅,附近地毯都印到皺Q哂…..唉…..我都有印腳嘅壞習慣,但係都係我自己一條冷嘅時候先會啟動程式,唔至於影响到其他人嘛……
呢鑊嘢真係唔止個身震,個人都尷尬到震呀老細!~嗚~
Posted in: 日記, 生活, 童言瘋語 |
回應(6) | 回應的RSS | 暫時未有引用通告| 
(0)
2007 一月 11 at 12:34 am 呢段係慘絕人寰嘅終極地震多重奏呀
2007 一月 11 at 2:03 am 哈哈哈!! 真好笑!!
原本我唔開心都俾你呢篇日記搞到開心晒^^
果幾位丐幫傳授俾你既功力果然係勁!!
2007 一月 11 at 10:18 pm 麻san,係呀,慘過暈船浪~
2007 一月 11 at 10:31 pm 漫柔,好開心你開心番喎. 唔開心就好似落場雨,雖然會濕身傷風,會好辛苦,但係停咗雨,就會出太陽,乜都乾爽哂.
2007 一月 12 at 11:59 pm 好似一個笑話, 不過係你真人真事, 真不幸
下次去過另一間high class d .
最好四周係靚女, 點震地有所謂la !? 對ma
2007 一月 14 at 1:06 am 如果有靚女咁印我法,我都唔知點興奮法哩嗰陣....
你個名咁型嘅,好似以前嘅咩電影'賭聖之xxxx'咁喎,型到震^^