生 病
2007年02月10日受了幾天病魔的折騰,簡直是要了我的小命.
財不多,但偏身子倒卻有點潺弱,幾個月裡有上幾樁小病,例牌頭暈傷風咳嗽,免不了.
今次,還惹了很久未再臨的發燒! 昨天下午,怪不得五內如焚,可是外頭卻怕冷異常,人人都是單衣薄衫,我卻穿得連頸項也封滿,方死核幅射外洩一樣…..頭滾,腳底也滾,呼吸每一口吞吐都非常滾…..四肢關節眼劇痛崩緊痛痠痛,每一個動作都令我有標淚水的衝動,感覺絶不良好,…腦汁仍然要旺盛分泌於氣血循環不通的腦門間,只因身繫工作,寸步難移,死忍死頂到放工時間,才倒抽一口涼氣,可以躍出樊籬.
跟著,最令我胆喪的是,還要迷迷糊糊地拖著那副殘軀,經過像走不完的步道,令人厭惡的漫長地鐵車程,刮骨的地鐵車廂寒風,才能回到家裡去. 那一刻,真正叫做'火滾'亦不為過分,全身發出超燙熱氣,似有足以遇物焚灰的功力,勁過九陽神功云云. 好不容易靠意志才趴到家,當任務完成,mission completed,高奏打爆機之歌仔時,那股壓力tension,立時暴失,体內所有病痛立即快速以一百巴仙佔有率遍佈全身,痛殛一時,頭一暈,險些踉蹌倒地,跌到'成隻元寶咁款'….後來探熱,体溫有一百零一點九度華氏. 才猛然知道自己在半天裡憑著意志才能與病菌及高溫抗衡,服了自己.
現在好多了. 不過今次病倒的辛苦和痛苦,實在教我難忘. 難道天將有大任之於我,才勞俺筋骨,又餓俺体膚(生病其間毫無胃口可言)? 嘻嘻.
Posted in: 日記, 生活, 童言瘋語 |
回應(11) | 回應的RSS | 暫時未有引用通告| 
(0)
2007 二月 10 at 12:42 pm 保重啊~~
最近天氣忽冷忽熱，真的超易中招啊~~
2007 二月 10 at 2:41 pm 某咪,有心呀你,要保重! 大家咁話,千祈唔好新年前中招~汲收多啲Vitamin C!
2007 二月 10 at 7:58 pm 香港四周都有好多病毒, 一時不小心就中招
小心身體
我都係, 自從一月頭去完海南島後, 吃完海鮮,返來就病
到現在的腸胃都十分差,吃suishi,生冷野, 腸胃都有問題
所以大家都小心, 新年又到. 唔係到時真係有排休息!
2007 二月 10 at 10:34 pm 陰公呢,多多保重,平日食多d補品補下,會更加精壯呀!
2007 二月 10 at 11:13 pm 菠蘿油公主,要小心腸胃喎真係,呢家入口嘅嘢食,都好似唔係咁安全同令人放心....我都係玻璃肚,所以都好多時與厠所為伴....小心身体,大家咁話.
2007 二月 10 at 11:15 pm 基基,嘻嘻,人又老,錢又冇,我呢啲賤命一條,都唔洗點補嘞,吔多兩條蕉就得,唔似啲有錢佬日日吔鮑參翅肚又偉哥又剩XDDDD
2007 二月 11 at 2:13 am 嘩@@...形容得咁出神入化嘅，嗰個moment你諗到燒壞腦嘞
番工頂到放工，真係痛苦到極點，仲要係有緊要野搞唔可以放低早走先慘...
多運動，食多啲橙(唔好叫人食你檸檬喎)，好好保健一下啦!
祝早日康復!!
2007 二月 11 at 1:37 pm 保重呀, 搵返個伴陪你睇醫生ma
2007 二月 11 at 2:54 pm 真係要小心身體、寫blog之餘不要忙記多做運動~
2007 二月 11 at 7:44 pm 麻理沙鄉,nesidoh,小鹿,多謝關心,我會小心保重^^
2007 二月 19 at 11:11 pm 保重身體呀! 呢種天氣真係好易病,我都睇三次醫生,到而家都未完全recover... -_-"