Cooking Mama 2
2007年12月13日
最近在地鐵裡,常看見很多女生都在玩NDS的新Game, Cooking Mama 2. 個個都埋首棍仔'督督'的在切切切,炒炒炒,攪攪攪….拿了高分更輕呼小叫,為做好一道難度高的菜式而開心…….但是,我想問,現在香港的女生,有多少個會做菜? 不要說複雜的菜肴,曉不曉煮一碗不糊不生又彈牙的公仔麫呢???? 會不會似模似樣地執起菜刀切菜切肉呢??? 又懂不懂洗米教水煲個靚飯呀??
Posted in: 生活, 隨心, 童言瘋語 |
回應(15) | 回應的RSS | 暫時未有引用通告| 
(0)
2007 十二月 15 at 11:51 pm 請相信我！
我煮公仔麵已到神乎奇技的境界！(因為我經驗豐富)
至於其他就...哈...
2007 十二月 16 at 4:43 pm 某咪,哈哈,咁勁!? 咁就要封你做煮公仔麵大王啦~
2007 十二月 17 at 2:54 pm 你的要求也太高了，不糊不生还要彈牙，自己泡一碗就行了
2007 十二月 17 at 10:34 pm vikiwon,不糊不生有多難?我要求太高? 是你要求太低或者無要求啫. 第時你另外一半煮啲又生又糊嘅公仔麵你吃,你就會自己泡一碗嘞真係^^
2007 十二月 21 at 8:44 pm 嘿嘿，我還記得12/19的...
"童顏懼雨"不經不覺已經渡過了兩年光景啦!
希望你對寫作的熱愛仍然堅持不懈，發揮無盡的趣味給每一位喜歡看你文章的人!
永遠應援，頑張哩 ^o^
2007 十二月 21 at 11:37 pm 童顏王子的頭號忠實讀者,ooooooooo.....我第一次自己生日都唔記得仲要人提....雖然只係本小弟嘅部落第二年紀念.....唉,咁快又第二年啦.....真係懷念第一次執筆....朋友,多謝你支持,我呢個爛鬼部落同啲爛文......等我呢家睇番啲舊文先^^...................呢家愈嚟愈少人嚟睇我呢個爛鬼部落lu,都唔知寫唔寫落去啦.........><
2007 十二月 26 at 7:32 pm 因為實際上好多人都唔知點煮,所以咪在game 上打得好.有滿足感law~
2007 十二月 27 at 8:10 pm 菠蘿油公主,Oh,原來如此!
2008 一月 8 at 6:41 pm 我識洗米煮飯、切菜都OK~ 煮麵都識識地既~ HAHA~
(自從我自己一個搬出黎住之後。。。。。。)
2008 一月 9 at 12:22 am 漫柔,識咁多呀,咁你都算另女咖嘞^^....
2008 一月 11 at 9:40 am 香港女仔多為自己的不足感到自豪
在呂大樂書中.這是第四代香港人
因為辛苦
所以很多人不做
2008 一月 11 at 11:11 pm paggiebook,"香港女仔多為自己的不足感到自豪
">>>> 吓...咁即係自己愈唔叻就愈驕傲??? ....仲係新類型人...ooooo..好難明呢家女仔嘅心態喲....+_+
2008 二月 17 at 8:42 am 即使入得廚房都未必有時間煮啦！而家的工作，大多不能準時下班。而自己一個住的，識煮都唔會煮，自己煮自己食自己洗，不如求其買外賣或者煮個麵算罷啦！
2008 二月 17 at 8:43 am 即使入得廚房都未必有時間煮啦！而家的工作，大多不能準時下班。而自己一個住的，識煮都唔會煮，自己煮自己食自己洗，不如求其買外賣或者煮個麵算罷啦！
2008 二月 17 at 1:52 pm 趣兒,嘻嘻,你又講得啱喎~~不過識煮嘢都算係一技傍身,好嘢嚟咖^^