人生中的”O比O”
2006年04月28日昨晚捱眼瞓屹起身睇歐聯巴塞對AC米蘭,雖然只睇半場,但今朝番工仍然勁放蚊. 有口痕友揶揄道:”場波零比零,真係枉你白白半夜起身一場,嘥心機捱眼瞓囉.”
我心諗….都唔係吖…..開波之前有邊個知道結果係無波入,窿對窿? 況且,小弟非常ENJOY,好享受睇場波:當AC空群而出圍攻,會為巴塞担心;當巴塞射唔入,會為佢唔值;睇見細哨以神一般技術過人,會為佢喝采……..到最後雖然冇波入,但係最後個AGGREGATE RESULT/兩場累積結果係巴仔僅勝一球(第一場伊度奧入),咁我都帶住滿足,含笑而睡(唔係而逝…啋…嘻嘻
)
)***
其實人生何嘗唔係有好多好多嘅O:O賽事呢? 有啲甚至未打已經知道嗰場係會食白果O忝…..但係又逼住唔可以唔打,唯有硬食一嘢…..有啲就好似賭波咁,未到最後都唔知結果,雖然最後都係O:O,但係喺成個過程入面你會好投入好肉緊咁去享受呢一場賽事,又何言枉費一場呢? “結果只係一剎,過程先係令人回味”…正結果可能未必完滿,但內心得到非一般滿足同真實咁去感受經驗,呢啲副結果都會係令人快樂,不枉此生.
Posted in: 日記, 生活, 隨心 |
回應(3) | 回應的RSS | 暫時未有引用通告| 
(0)
