燦 惑
2006年05月07日記得好耐以前有個朋友個仔,七八歳人仔好鬼曳好鬼UN皮,WE-WE-WA-WA由朝嘈到晚,令人煩肺,我嗰時都幾鬼討厭呢個面目可憎嘅死o靚仔.
有次成班人去赤柱嗰頭玩燒烤,由於我唔太熱衷燒嘢食(嫌煩冇耐性,對住個火慶到成身汗鬼咁餓先得嗰丁點嘢食,唔合我嘅急性子….如果燒俾人食我都ok,自己食嘅話燒兩叉就投降
),反而對海浪聲同睇星星有興趣啲. 於是走埋一處咬住條腸頭岳岳望吓天.
),反而對海浪聲同睇星星有興趣啲. 於是走埋一處咬住條腸頭岳岳望吓天. 個o靚仔可能玩得攰,居然走埋嚟挨住我坐,又學我頭岳岳望住個黑mum mum嘅天. 我記得我冇出聲,費事理佢,咪惹到佢嘈嘈閉,破壞我心情同氣氛.
***
佢突然好正經好細聲問我:'哥哥,點解啲咁光嘅星星淨係夜晚先出嚟嘅?'
我好驚奇佢會問啲咁科學同哲理性嘅問題,我答:'佢哋不嬲都喺處,不過朝早有太陽照住,啲陽光蓋過哂啲星光,咁咪睇唔到囉.'
佢突然好似好佩服我識啲咁嘢,問我:'嘩,哥哥咁叻嘅,點知道o架?'
我答:'睇課外書囉,去圖書館囉!'
佢點吓點吓個酸薑轎,好似好明白:'哦,我都有個圖書証,我聽日都去睇書先'
之後一大一少就無聲出兩條友仔一齊觀星(嗰時光害較少,個天好清,我好記得). 我仲話俾過佢知邊粒係天蝎座心宿二紅星,特別靚.
***
之後佢個o靚仔成家移民咗去美國. 冇聯絡好耐好耐. 喺今年年頭,喺一個非常轉折嘅情況下我收到一張明信片,上面冇郵戳,只係寫咗句:'xx哥哥,I can still remember that night, and the red star.' 原來係朋友個仔返嚟香港幾日,記得起我呢個人,托人寫嚟問候我.
我睇咗好感動…好想同佢講:'buddy,me too, I won't forget that night, and the red star forever'.
喺呢度,我祝福佢就嚟喺美國三藩市某大學畢業. Best wishes to u, guy.
Posted in: 朋友, 生活, 隨心 |
回應(7) | 回應的RSS | 暫時未有引用通告| 
(1)
小O
2006 五月 7 at 6:18 pm 彷彿從前無意中把種子散落,今天忽然見到收成咁呀.....戥你開心呢!
2006 五月 7 at 6:52 pm 小小一句說話 可以改變好多以為無改變事實
2006 五月 7 at 9:24 pm 嘩,咁正o既往事,真係可以記得一世呀!恭喜你.^^
2006 五月 7 at 9:27 pm xx哥哥？應該係xx叔叔呀？XDDD
不過，對住細路仔講野真係要好小心，因為可能你一句說話，會造成佢既影響或者陰影。
2006 五月 7 at 9:55 pm 他的好奇發問，你確切的答案，使他矛塞頓開，亦暗中啟發了他的求知慾，亦令他學有所成。
那張明信片就是最好的證明。
當時你做得很好啊，童顏王子！
2006 五月 8 at 10:47 pm 假如你日后有兒女，你也會是個好父親。
2006 五月 8 at 11:34 pm 趣兒，rainingsky,一支公，kaori,
其實我只係佢人生路上一個提早出現嘅指示路牌，佢如果有興趣又有悟性，遲早會知道．我個人口硬心軟，嗰時都幾憎佢咁曳，但係佢問完個咁問題，我對佢改觀，願意啟迪佢．．．有時細個曳，大個可能係好乖好文靜同係天才．．．
印，嗰時我仲後生嘛．．哈哈．．．
whatding,過獎嘞，不過我會係個口硬心軟同希望啲仔女識嘢多啲老豆．．．哈哈．．．
小O,多謝你嘅nice.