黃 金 懷 裡 藏
2006年05月18日因為尋晚睇夜波歐聯總決賽巴塞對兵工廠，所以今朝烏眉”恰”睡，無精打采。起身慘過食黃蓮，差啲剷都剷唔起。勉強梳洗，匆匆吔過早餐，驚遲到，雞咁腳出門口返工。習慣開著部'落雞亞'６２３０i入面個mp3player,一路行住聽，而部手機就求鬼其其塞入個恤衫前袋。
***
喺地鐵車廂，合埋眼陶醉喺耳邊嘅音樂攸揚之際，部機又係老毛病shap一聲冇哂聲．．．睇嚟部機嘅陽壽就盡，成日hang機，隨時打柴。無奈咁伸手去衫袋攞部機出嚟reset,點知抽到一半，以為自己眼花，點解我部白色手機一向都冇機套 呢家會有塊好似金黃色機套物体包住咗部機嘅呢？停咗半秒，再抽出啲．．．．．．．．．．．．．．．．．．．．．
***
喺地鐵車廂，合埋眼陶醉喺耳邊嘅音樂攸揚之際，部機又係老毛病shap一聲冇哂聲．．．睇嚟部機嘅陽壽就盡，成日hang機，隨時打柴。無奈咁伸手去衫袋攞部機出嚟reset,點知抽到一半，以為自己眼花，點解我部白色手機一向都冇機套 呢家會有塊好似金黃色機套物体包住咗部機嘅呢？停咗半秒，再抽出啲．．．．．．．．．．．．．．．．．．．．．
噢～～～～噢～～～～噢～～～～ 啋，作死哩，點解會有半塊”立黐黐、油淋淋”嘅長方形炒蛋喺度o架！！？？
隔離有個大姐仔用手機陰之陰之細細聲煲電話粥，咁啱呢個時候我聽到佢kit一聲笑咗出嚟，攪到我即時面紅耳赤．．．呢個時候任何笑聲出現，我都當係全世界笑緊我o架嘞．．．．之後點？咪喺無意識下，利用本身人類潛在嘅野獸本能，光速一啖消滅咗嗰半塊蛋佢囉，唔通仲放番落袋咩！ 個場面好似MR Bean啲橋段．．．一路咬舊蛋一路諗，點解個衫袋會有舊蛋嘅呢？呢件恤衫尋日先洗淨今日先著，點會咁怪o架！．．．．．哎．．我知嘞．．．唔怪得今朝食早餐個火腿蛋包愈食到後，愈覺得只係o趙得到火腿而冇咗啲蛋嘅口感嘅呢？自己仲怪呢家啲麫包舖偷工減料，原來係嗰半塊嘢神不知鬼不覺以奇怪角度”唧”咗落個恤衫袋．．．真係攪笑．．．呢件事真係要講句經典，未試過咁鬼烏龍咁滑稽（之後老媽子都話我懵到上心口，嘻嘻）
***
我嗱嗱林睇吓自己有冇拉褲鍊，有冇著錯褲著錯鞋鴛鴦襪，扣少衫鈕扣錯鈕．．．睇嚟下個月世界杯開鑼，我都驚自己夜晚睇完波，朝早會做錯事，失禮街坊！ 不過點都好，成世人有幾次世界盃睇吖真係，理Q得佢成碟鹹魚雞粒炒飯掃落去個衫袋又好，老火湯灌入個褲袋又好啦，點都要睇咗先！
我嗱嗱林睇吓自己有冇拉褲鍊，有冇著錯褲著錯鞋鴛鴦襪，扣少衫鈕扣錯鈕．．．睇嚟下個月世界杯開鑼，我都驚自己夜晚睇完波，朝早會做錯事，失禮街坊！ 不過點都好，成世人有幾次世界盃睇吖真係，理Q得佢成碟鹹魚雞粒炒飯掃落去個衫袋又好，老火湯灌入個褲袋又好啦，點都要睇咗先！
Posted in: 日記, 生活, 隨心 |
回應(14) | 回應的RSS | 暫時未有引用通告| 
(0)
2006 五月 19 at 12:09 am 笑死！！！！哈哈哈.......
2006 五月 19 at 12:35 am (^€^) 嘿嘿嘿.... 你咁都得! 服左你囉~
2006 五月 19 at 12:39 am 係囉，眼瞓累事（醜）．．．
2006 五月 19 at 12:39 am ...你咁"論盡"嘅??
2006 五月 19 at 12:42 am 唔關得晒你事，你都係畀個「蠱惑的包」整鬼o者..
XD
2006 五月 19 at 6:30 am 好好笑呀!!!! 如果我在場的話,我一定第一時間打電話同D FRIEND講呀! 有福同享嘛!! 咁好笑,唔係時時都遇上嘛....嘻嘻
2006 五月 19 at 9:29 am 下次會唔會你跌佐個甚麼雞電話落個包度，然後一個唔覺意食佐落肚，再大讚這是甚麼雞包，咁好味！
2006 五月 19 at 10:03 am 真係即刻醒O西
2006 五月 19 at 10:04 am 真係~~~
咪玩丫~我係公司蛇上黎，差d比人發現...
2006 五月 19 at 8:11 pm 若谷媽媽,唔明你講咩喎?你喺公司蛇上嚟,差d比人發現,同我有咩關係??? 咪玩? 我冇玩咩喎!
你係咪覆錯post呀???? 我真係一頭霧水俾你攪到....
2006 五月 19 at 8:43 pm 你真係寫得好攪笑!!^o^
如果唔係部手機hang機, 恐怕你塊長形炒蛋會袋袋平安番公司lu~
2006 五月 19 at 10:53 pm 咪好囉,食晏有得加餸,加隻蛋囉!不過up到番公司都臭哂,食到痾都似! 嘻....
2006 五月 20 at 12:14 pm 係咪咁啊，發生嘅頻率有几高啊？
笑死啦
2006 五月 20 at 4:39 pm XD 睇波果然可以亂性,壞人心智呢～