我的笑聲有點變…
2006年06月23日最近發覺，自己嘅笑聲有啲變咗．．．．．變得更豪邁更爽朗更沉厚！絶無造作，絶無吹水．．．
唔通係意會著會變成．．．．
同阿寶一樣嘅進化新類型人？．．．．抑或係
繼光太郎BLACK之後嘅幪面超人FAT？．．．．抑或係
繼超人食家之後嘅超人太狼？．．．．抑或係
超級撒亞人夾股樂？．．．．抑或係
喺球場帶波可以播成十九幾集嘅戴志偉？．．．．抑或係
擁有暴加七成薪金但一無是處、有彈無讚、開會瞓覺嘅垃圾局議員？．．．．抑或係
清廉嘅台灣良心陳水片？．．．．抑或係
佢死對頭五張幾仲係玉樹臨風嘅馬鷹狗？．．．．抑或係
繼承上世紀地上最勤力最強辦事能力嘅牛牛老董？．．．．抑或係
繼承李二公子嘅超強呼風喚雨財富管理能力？．．．．抑或係
擁有2006年嘅最終超假腳同米芝連人身形嘅大哨？．．．．抑或係
唔洗估，通通都唔係．．．．
可能係自己呢幾年耳聞目睹發生喺香港、世界、地球同宇宙太多令人眼火標、人都癲嘅事同各方摩碌騎呢人，痲痺哂唔識嬲到只識傻笑，一味笑．．．．兼且啲損友成日失驚無神講啲有味啜核笑話，久而久之成日笑，把聲都沙哂，又呢排日日睇夜波，積埋啲火，燥底，連聲底都厚埋，仲厚過朱江把聲，咪笑到變得更豪邁更爽朗更沉厚！呵呵呵！
Posted in: 生活, 隨心, 童言瘋語 |
回應(6) | 回應的RSS | 暫時未有引用通告| 
(0)
2006 六月 24 at 12:27 am 我估噉情況應該係似情恨夜樁環謝老四溝蒼海醫聲叫o既黃老占 XDD
2006 六月 24 at 12:29 am 會唔會變到好似娒小惠那一種笑聲呢=.=.....
2006 六月 24 at 1:38 pm 蒼海一聲笑...
駛唔駛飲涼茶降溫呀?我有。
2006 六月 24 at 2:02 pm 最近都發現佐一個怪現像，就係在工作壓力倍增的情況下，仍然會笑，好似依家星期六 2.00pm 仲未去食午飯，留佐言的電話又未收到回覆，其實有D "mun"，但又未去到要爆發，仲可以笑得出，這種笑又點樣去classify呢？我係唔係要睇心理醫生呢？
2006 六月 25 at 6:19 pm 只有苦笑才會係咁嘅環境下仲有笑得出
2006 六月 30 at 11:30 pm 燥火？咁就要飲涼茶啦~~