今 日 兩 件 事 ~ 一手 and 一腳
2006年07月13日****
今朝番工等小巴,排頭位,企咗一陣就有車,以為咁好彩,發逹啦….X佢個街,架死人車剎唔切車用個車尾埋站,呢家啲香港人完
全無視咩叫排隊,一條隊一擁而上成群牛'隊'埋個車門,我由龍頭變咗龍尾,真係滴汗兼發老脾….好唔容易'質'自己上車,個'羅友'未坐定,嗰個X街司機,一腳鋤落去個油門,全車人昂後,全部醒哂…..嗰個咁嘅X街司機一頭金毛,帶埋個死人核Q突突黑超,成個死0靚仔新牌仔咁款,似楂衝鋒車定戰鬥機,每落一次客停車,都出行力一腳鋤落去個BRAKE到,好似個BRAKE係佢殺父仇人咁….而每次開車,就又出行力一腳'碎石腳'鋤落去個油門,又好似個油門殺佢全家咁…..每經過佢賤腳鋤一次,全車人前仰後翻,以為自己去咗海洋公園坐過山車….又開得快,個人苗佻啲輕啲我諗都會遲早飛插去個車頭擋風玻璃…..X街吖,架車咁玩法,真係日本遊船'遲早完',行多兩行甩轆兼爆ENGINE….坐完佢車真係頭都暈埋,人哋唔知以為我啱啱坐完大飛走完私貨…真係想'小'到佢七彩!!!!!!&^%^^#%$#$#*老^%#!(味)^^&%^$!!!!!!!!!!
****
另一單我睇見都唔知做咩反應,笑好吖定R頭好……LUNCH時間,喺個商場經過一間BOUTIQUE/小型時裝店,門口擺咗一個模特兒公仔,著咗件寸幾兩寸布嘅TUBE TOP同超短牛仔裙,個心口又造到鬼死咁大(我諗係西人貨品)….行喺我前面個麻甩佬,肥個狗,都唔知係咪自由痕定本地土著,總之係一個個身有啲味,頭髮唔梳亂到似雞竇,件恤衫薄到似透明,仲要唔扣鈕打出個豬腩,即係亞朗拿度條米芝蓮車軚…佢一經過個咁SEXY嘅模特兒公仔,各位你哋知唔知佢做乜呀?…………………………………..
佢對個公仔施以'祿山之爪'!!!!!! 未讀過中史? 即係'楂X龍爪手'!!!……我頂,你個X街,有冇攪錯呀,咁都可以過手癮呀,真係好鬼賤,好摸唔摸,仲要出手咁誇張,周圍係人,有大有細有男有女有老有嫩,真係吖. 我睇到眼都突鬼哂,佢'練'到個件TUBE TOP皺哂,個公仔係好明顯嚴重俾人非禮咗一嘢! 真係映衰哂啲男人呀……&^%^^#%$#$#*老^%#!(味)^^&%^$!!!!!!!!!!
****
一手一腳,令我強烈厭惡,等天收佢哋啲賤手賤腳.
Posted in: 日記, 生活, 隨心 |
回應(6) | 回應的RSS | 暫時未有引用通告| 
(0)
