冇電會死
2006年07月17日有人話 : ”我一生人最怕冇電!”
IF 屋企冇電…
冇冷氣,熱死!
雪櫃冇電,冇凍嘢食(雪條雪糕)冇凍嘢飲(啤酒汽水),冇得過口癮,餓死!渴死!
冇電腦用,冇得上網,冇得ICQ,冇ONLINE GAME打,無聊死!
冇得打PS2同XBOX,悶Q死!
冇得聽歌睇電視煲碟,DRY死!
IF 出街冇電…
手機冇電,冇得煲粥,斷哂聯絡,點算?
PSP同NDS打打吓冇電,打到興起又冇save,點攪?
MP3聽聽吓冇電,唔慣出街聽人聲喎,驚驚,大X劑! 點收科先?
呢個現代社會,科技發達,冇電就似缺咗氧缺咗水咁,隨時死得,隨時發瘋. 個插蘇插頭就似水源一樣咁緊要…
出街冇帶銀包身份証? 唔緊要!
出街冇著衫冇著褲冇帶巴冇著底? 唔緊要!
最緊要係…..啲電子嘢叉足電….所以就係點解會
有人話 : ”我一生人最怕冇電!”
但係諗吓,以前啲古人,冇電咪又係咁過…
冇燈? 哂月光、捉螢火蟲同點蠟燭囉!
冇冷氣? 揾扇撥,周街遊去乘吓涼,打開道門瞓囉!
冇雪櫃? 咪間唔中食到屙囉(大把時間得閒用嚟屙)!
冇DVD電視HI-FI? 咪捉吓棋吹吓水豬up吓睇吓書吟吓詩撲吓蝶打吓獵咬吓蔗,欣賞吓湖光山色咁囉!
冇手電? 咪飛鴿傳書燒狼煙囉! 所謂'窮在隔離無人問,富在深山有人探'嘛,洗乜主動聯絡咁低莊先,李加繩都唔洗手機都日日有人揾佢掛住佢啦吓話!?
冇MP3冇網上冇機打? 咪聽吓蟬叫雀仔唱歌貓咪狗吠狼叫,同埋用必殺技………………..就係早抖囉唔該!
科技養懶人,冇電周身痕.
攪到個個身驕肉貴,週街懶虫(小弟係其中一大條),冇講錯! 嘻嘻!
Posted in: 日記, 生活, 隨心 |
回應(4) | 回應的RSS | 暫時未有引用通告| 
(0)
2006 七月 17 at 10:53 pm 冇電，我就諗起細細個返鄉下住的日子。下鄉，仲要冇電，其實都唔容易適應，係一種幾「啃」的磨練。
2006 七月 18 at 10:04 pm 比你一講諗到係十幾年前香港都成日停電架~~>.<
2006 七月 18 at 11:37 pm 電, 偉大的發明呀
2006 七月 18 at 11:51 pm 無電, 晚晚失眠