帶眼鏡 的 女生
2006年08月15日自己是四眼一族大近視加散光王,帶了廿幾年眼鏡,總括是大壞小好. 不要被老師騙說帶眼鏡可添兩分書卷味,老人家說戴眼鏡令整個人看上去斯文一點,全是癈話,純屬虛構.
個人不敢戴隱形眼鏡,一來自己眼易敏感,二又怕衞生問題,怕阿米巴虫鑽入腦門,一命嗚呼;平時已夠多'捉虫'的時候了,死在虫手,更顯命賤. 戴眼鏡累贅,夏天多汗鼻樑面側很受罪. 出入冷熱交界更感不便尶尬,鏡片搗氣的濛上一抹白霧,行路驚仆街,樣又似鹹濕伯父,核突之至. 運動也多了層障礙,游水打球要避忌,以前還未有纖維鏡片,戴玻璃鏡好危險. 如果不小心打破了或撞裂了鏡片或鏡框彎了斷了,沒有'士啤',就要眼矇矇做人,被人揾笨整蠱'線'蕉皮就是那個最佳時候. 沒戴眼鏡的懵樣,眼如一線細縫,一條懵炳,滑稽之極. 像英氣拔挺的百萬富翁主持陳啟泰,脫下眼鏡演神鵰俠侶的尹志平,樣子衰到不得了,鹹得出奇,是誰污辱了小龍女不說誰也知道,分分鐘李莫愁裘千尺也和他有兩手.
因此希望另一半不要再是四眼姑娘. 不要大家受著同一個苦. 總想有一天,自己不小心沒了眼鏡貼身,她能牽我手引我前路,那是一幕多麼窩心和溫馨的愛情片段. Kiss 時也不會和她的眼鏡先格一輪劍,撼到鏡框歪才吻著咀唇. 那是多麼剎風景. Shit.
我一向是這麼想,直至看見了…….
一日,在STARBUG的門口等人．向裡面看的一個偏靜角落，一位披長髮，皮膚白晳的女孩，穿著花裙，面容綺麗，鼻子高直，戴上了一副黑色厚框邊扁身薄近視鏡，略垂下頭,不時輕托鏡框邊，在熱架啡昇騰起的一片嬝嬝熱氣前，翻著枱前一本本的書，散發出一縷縷幽幽的娉婷，與玻璃外綿綿細雨的氣氛，配合得和諧．看見她戴眼鏡的樣子，我有點驚為天人，才知道這種眼鏡襯上這樣的臉蛋出來效果很美,有另一種陰柔的時尚味道,我不禁多看幾眼,歪了頭不自覺欣賞多遍,神往不已. 見她一道莞爾,肯定手中書必是佳品,看得她入神又笑,儀態萬千. 正在想她實在是個才貌雙全的好女生之時,瞥見她手上和桌上的書後睜大了雙眼………..那居然是”老夫子”!! 我差點絶倒,當場彈起,頭fingfing….笑死人哩! 原來大家也是老夫子粉絲．
之後,才慢慢察覺一般女孩在戴上了那款粗框扁身眼鏡,竟會生出另種美麗,添了幾分異采和秀氣. 之後,我改變看法了,只要另一半有一點點近視也沒問題,記緊在適當關頭曉得脫下便OK呢
!
!Posted in: 日記, 生活, 隨心 |
回應(10) | 回應的RSS | 暫時未有引用通告| 
(0)
2006 八月 15 at 12:42 am wow...
帶左果種眼鏡,真係乜人都會靚d???
咁就要買返副黎整整容,仲有帶住佢去文化中心/藝術館扮下斯文、呃個老公返來先...嘿嘿...
2006 八月 15 at 12:50 am 喱個款應該好"哈"人帶下喎 ~~
2006 八月 15 at 1:34 am 有人戴眼鏡戴得好睇,有人就唔係啦,好似我咁,我戴左眼鏡成個miss咁...>.<
2006 八月 15 at 6:29 am 好在視力正常啫....
2006 八月 15 at 1:13 pm 但係我唔戴眼鏡時就成隻懵炳咁...都係戴眼鏡醒d
2006 八月 15 at 1:39 pm 人地生得靚就戴唔戴眼鏡都靚架啦。
人地生得靚就睇老夫子都好有親切感，如果唔靚？可能你會話人俗都未定。
除佐近視和散光，你可能還有另一種眼疾，快D去驗一驗。XD
2006 八月 15 at 11:16 pm 好多人o係戴眼鏡同唔戴時簡直變左兩個人, 好頂癮
2006 八月 15 at 11:59 pm Re 小O, 你好好心腸喎,一提到靚女就咁大反應話我有另一種眼疾@.@,多謝哂你提醒喎,連我自己都唔知反而你咁清楚嘅? 乜麻甩佬對靚女有偏愛會有眼疾嘅咩? 咁全世界男人咪都同我一樣?XDDDD.....你咁敏感,唔通我呢篇嘢督中你一啲弱點或者死穴? 如有雷同,實屬巧合喎,冇心去針對任何人.^^
我有提到話人唔靚睇老夫子會俗咩? 似乎你今次要去驗一驗眼就真呢,我都冇講過^^...老夫子咁好睇,無論咩人咩樣都啱睇喎,係咪?^^你睇一樣咁親切咁唔俗!XDD
人地生得靚就戴唔戴眼鏡都靚?所謂化粧,衣裝同裝扮可以令一個唔靚嘅人變靚,靚嘅人變得更加靚...你無試過,無呢啲經驗咩吓?XDD
2006 八月 16 at 9:03 am 你雙眼當然冇病啦，唔使咁認真喎。XDDDDD
2006 八月 16 at 11:59 pm Re 小O, 哈哈,我見妳回得到咁認真,咪笑住解釋妳聽囉.我不嬲都冇認真,如果唔係都寫唔出呢篇得啖笑嘅嘢呢^^