抱不平
2006年08月24日科大以商人做生意手法,排眾而出,一手率先將那位有私人星的少年發明家陳小朋友,收歸旗下,意在晒名牌,吸引其他人入讀該校. 最近報導終於揭秘了陳小朋友像不能見光的會考成績:十二分,中英文(syllabus A)不合格,數學得D……
我不認識陳小朋友,他的事和我也無關,但也佩服他的創作心思;可是站在公正立場,我要替香港莘莘學子抱個不平. 香港教育制度一向是以分數級別為核準升降與及爭取大學學位的基本資格評審. 但為什麼一個拿十二分的學生可以堂而皇之的以至少上中六也'紋水'的成績,輕易得到一個其他人夢寐以求的大學學額? 有多少學生費了平白心血默默耕耘,都未能進身大學校園半步….
難道攞獎大哂? 有自己私家星有著數? 如果是這麼樣,那麼全香港中四五學生也please閣下課本,把參考書對準垃圾筒大大力扔,走去埋首研究東創作西,找些什麼大喇叭星什麼小喇叭星,發明乜叉乜叉的,拿些什麼什麼豬肉獎,什麼荷蘭水蓋,上上某雜誌某報紙,然後施施然大剌剌地,'橋'埋雙手等人收,豈不易哉? 究竟香港教育為何會變成虛榮教育制度? 香港教育制度容許多少這類以獎為首要的Exceptional case(s)? 如果來年有幾千幾百個得獎學生,會不會一模一樣的免分直進? 果真是學習不是求分數那麼爽? 分數原來不重要,那麼各學生夙夜憂勤的寒窗苦讀,有啥屁用?
他媽的PK歪理.
Posted in: 日記, 生活, 隨心 |
回應(8) | 回應的RSS | 暫時未有引用通告| 
(1)
lomedia
2006 八月 24 at 1:47 am 高登插佢插到翻天，最近我都會寫篇關於佢既文章
PS.首次到來，覺得你的BLOG名字好有趣。
哈哈
2006 八月 24 at 11:21 am 有沒有聽過那些「敲校長門」的傳說？我想Exceptional case一直存在，只是沒像陳小朋友那樣被廣泛報導。香港社會不平事之多，就算你我開blog天天寫，寫到八十歲可能都寫不完 ~~
2006 八月 24 at 7:58 pm Re lomedia, 謝謝賞面呀!^^
2006 八月 24 at 8:07 pm Re 優遊,我諗大家係對事唔係對人咁去插佢嘅...但係真係惹人抱不平嘛.
多謝你嚟我處睇我豬up發up瘋呀,謝謝!
我個blog名好得意?? o騎o騎....其實係有原因嘅呢,請睇呢篇 http://lulungto.mocasting.com/?p=58660
...嘻嘻,純綷得啖笑....
2006 八月 24 at 8:10 pm Re 小鹿, 好嘢喎,乜你可以睇得咁化呀;不過我就冇你睇得咁化咁開啦,遇到不平事,總會出吓聲,咁先至有啲人生樂趣嘛,消吓氣降吓火,屈埋會谷死呢^^
2006 八月 26 at 1:50 am 呢方面，我同你好似呀，「潮州怒漢／婦」:p
呢個世界，好多我地解決唔到既不公平，不過係冇生命危險（sorry,我冇吉屎，怕比人打 >_<
不過記住唔好激親自己呀，呢個係我朋友教既
2006 八月 26 at 12:25 pm Re 基基,係呀,不平鳴嘛. 咁我又唔至於係維園中坑嗰啲,嗰啲嘈多兩嘈我驚會爆血管...
雖然天大地大有無窮無盡嘅不平事發生,亦都唔可能件件事都理得到知得切,但係如果連見到一件半件嘅不平事都當無事發生,無聲出,無反應,咁會我覺得人會變得好冷寞囉,咁後生就咁化? 唔係我嘅性格同選擇呢.
面對嘅啲不平,要熱血但要理智,同埋啲唔係辣埋自己身嘅,梗係唔好咁激啦,up兩句發洩吓過吓口癮就算,發吓牢騷,開心開心,咁個人先有啲衝勁!^^
2006 八月 27 at 8:20 pm 嘿嘿~~ 小鹿仲未化咖，不過可能未及童兄咁好火啫