友儕重逢 . 豪情暢飲

2006年09月02日

昨晚與闊別兩年有多的一位朋友(叫阿瓜)共敍,相約一起吃飯喝酒. 一桌甩麻甩佬,菜也不等,就來幾瓶大啤,豪飲起來. 小弟量淺,淺嘗輒止,不過冰涼入口,人也精神起來. 阿瓜年紀比我大,正是一條壯漢,滿臉于思,酒量如海,鯨吞牛飲,如喝開水,幾杯上落就面赤如霞,叼起口香煙,豪情壯語不斷.

瓜: '…X,阿撈,點解次次見你都好似冇變,仲係咁後生嘅?….'

J仔: '係啦,你話俾人知你係廿鬆歲都呃到人喎…..'

我: '吓!?唔係吓化,廿鬆歲咋?唔係十零歲卜卜脆咩? 我話你哋知,我平時出街係著校服嘅,去餐廳食飯仲有學生價,信唔信?'

眾皆莞爾.

瓜: '你個仆街吖,係咪背住我哋去打羊胎素..哈哈…咁襟老嘅…'

我: 'X,係人胎素呀狗胎素先啱…其實我都冇乜做過啲乜,係你老咗先覺得我後生,冇你老得咁快啫….(指著J仔),且,呢條仆街夠冇老過冇變啦….'

瓜&我(齊聲道): '因為佢個樣一生出嚟就根本成幾十歲咁鬼老,所以咪年年都冇變,一樣咁老囉,哈哈哈…'

眾皆爆笑. J仔最開心. 佢人最好,EQ最高,我心裡很佩服他.

之後阿瓜細說這兩年的工作上的不如意…因為是負資產又是供樓一族,所以承受了強大的工作壓力.

瓜: '唉,阿撈,呢兩年我好難過呀,做到我真係死得呀,&*^%^%#@%,仆街…..'

我(拍他膞頭一下): '……..阿瓜,唔好再提嘞,呢兩年過咗就算啦,最緊要過到吖嘛,衰嘢唔好再提嘞,睇呢家啦…..'

眾皆默然. 一時氣氛沉默.

我: '飲杯! 為阿瓜逃出生天飲杯!~'

眾皆舉杯互碰,鏗鏘之聲不絶……….再次起哄,酒酣耳熱.

…..我心裡沉默,正也想著,自己會在何時何日逃出生天,脫離樊籠……

Trackback 路徑 http://lulungto.mocasting.com/main/wp-trackback.php/78263