電話舖記趣

2006年09月04日

因為想換部心水手機,前陣子一天週末中午,到了一間聞名的手機鋪格價揀款. 甫進入去,簡直可以隨手執幾句如'其門如市','車水馬龍','人潮如鯽','人山人海'來形容一間豆腐潤咁大的鋪面內充塞了想換機的一堆有錢人,當然有部分人是操國語和半鹹淡廣東話的大陸自由痕.

正在被人圍及全身上下與人群打交的我想鑽出去門口逃走,一位在我右手邊的sales突然像扭大了volume似的大聲嚷道:'唔該前面同事注意,有客人想試收音機,唔該~~~~~'跟著,一位貌似正宗麻甩佬嘅物体,左手拿著諾雞呀手機,雙耳塞了耳筒機,右手就像一般大陸同胞一樣慣性向前作勢推,匍匐而進;在鋪口的一對童男童女sales,就齊聲以大於九十分貝雞啼咁大聲回答:'有客人想試收音機,我哋呢度收到',此起彼落,交替地回應了兩次….同一時間,其他鋪內職員紛紛讓路,連同唔Q關事的其他正試機的客人們都無意識地一同讓開,一下子令我想起聖經中的摩西過紅海….麻甩佬每向前一步,身邊的各有謂人又好無謂人又好,退後清出一條往門口的光明大道.

那位麻甩佬看見如此景況,初時有點愕然,之後就施施然,展開皇帝出巡的跨步架式,口中唸唸有詞道:'妖,點解收唔清架?….'門口的那對童男童女如風的向前逢迎,為君解窘,教番正個收音機待客人慢慢享用. 麻甩佬大呼:'嘩,好嘢喎,清哂嘞,點攪架,咁清嘅~'心想,唔清又gei gei gui gui, 清又蟻咬咁聲,難服侍呀,老細. 當麻甩佬大感滿意之後,童男童女又重覆大叫:'後面同事注意,客人試完收音機,唔該'…鋪內原本的那位大聲公又像唱山歌一般,俊郎回阿妹一句:'唔該,收到,客人試完收音機…' 隨後,分開的洪水人潮一如同去完廁所拉番條拉鍊一樣,收埋條路,又似沖厠所水將那舊大便麻甩佬沖回鋪內….,未幾又回復到剛才的擠擁,彷彿沒事發生過,大家冇夾過都咁合拍,令我啞然怪叫,雙眼暴突……

這是一件真人真事,叫我難忘,以為自己去了大撻地喊欄,又或者是'小二,唔該兩斤牛肉,一壺白乾一壺女兒紅'的古代客棧……有點失笑 R 爆頭殼