幪 面 超 人
2006年11月16日記得初時睇到呢個kamen rider mv時，真係有啲毛管戙，好想標眼淚．呢班著膠衫同永遠遠近鏡都會有拉鍊穿崩嘅假超人，雖然我細細個睇嗰陣已經知道係假嘢同呃人，但係小小心靈真係好想有個真英雄喺世上警惡懲奸，將潛藏喺心底嘅嗰份正義感投射喺呢班傻瓜超人身上．
呢家啲新幪超人太多太雜，樣太怪，又以商品主義太濃，咩卡呀咩變身器呀咁，我唔like. 我諗我呢世仔都唔會變嘅，係只鍾意頭嗰十個超人，連埋black同rx. 心中至愛係black,v3同影月．
有時現實中，真係好想自己係其中一個幪面超人，跳到老練咁高，然後大叫一聲風雷電一腳印落去啲現世眼前嘅妖魔鬼怪，蜘蛛怪，蝙蝠怪等，除殘去穢．．．．．．’風雷電！’
Posted in: 日記, 生活, 電視 |
回應(8) | 回應的RSS | 暫時未有引用通告| 
(0)
2006 十一月 16 at 11:53 am 哈哈,睇番d舊既戲,衣著同埋拍攝技術都好「原始」,好搞笑 :p
以前睇入樽,不知幾想變成我偶像三井壽,可以狂射三分波。上pe堂時曾經認真聽過下體育老師講野,學打籃球,可惜冇運動天份,連跑步都唔掂呢~最叻都只係籃底下「撞板入球」 ~_~
妖魔鬼怪都係打不死呢,要有好多超人同埋美少女戰士先應付到啊~
2006 十一月 16 at 6:14 pm 對超人, 致敬
2006 十一月 18 at 11:26 pm XD我都都black同影月喎
兄弟對決真係好正>﹏<
2006 十一月 19 at 12:52 am 啲特技猶如如來神掌嗰啲所謂嘅激光一樣假得黎又懶勁!
佢地啲左右翻騰n週半又曲體，體操界選手都要向佢地拜師...
開頭嗰啲shot嘆為觀止又經典呀!...由於時間關係，導演搵人切定怪獸個頭，俾仮面超人一拳整走先
2006 十一月 19 at 2:03 pm 島野香,雖然傻瓜超人係咁白痴,但係就係正正咁低b,先可以就番細路仔個level^^
2006 十一月 19 at 2:08 pm 螂螢,係呀,rx vs shadow moon,真係好有gimmick!!!
2006 十一月 19 at 2:27 pm 基基san,唉,妖魔鬼怪永遠都係打唔哂咖嘞,枉論有幾多美少婦/美亞毛戰士同傻瓜超人....
2006 十一月 19 at 2:32 pm 藍姥姥,我都對超人起旗致敬,ekekeke...