香 港 靚 女 多 2
2006年12月05日在日本旅行和工幹時,多次故意向很多美女和OL問路或作出詢問(有得選擇,我不會喜歡揀麻甩佬,不分國藉). 百分之九十的反應,是樂意回答,也很有禮貌. 甚至有一次,在東京千代區冒雨向一位OL問路,她不僅回答我,更主動打著傘為我擋雨和一起替我引路往要找的地方樓下,我那時'多謝'也說了不知多少遍,而她只是點頭甜甜的笑著說'不用客氣'.
***
今天在灣仔一個商場門口,站著一位化了艷粧、衣著也跟足NO-NO的美麗OL,飄逸的長髮與一雙半修長的迷人美腿,令她倪視一切,顧盼自豪. 一位中年婦人(不是內地的,是香港的)恰巧向她問路. 我放慢了腳步,正期待她與她外表衣著匹配的態度及對答. 她硬瞄了那位婦人一眼,由一副冷艷的面孔,變成了一副冷傲的面孔,繼而化為一張充滿厭惡表情的嘴臉. '唔識,唔識,行開,行開!',幾個簡單又重覆的字令那位婦人和我心裡都一樣沒癮頭. 於是,婦人找不到她的路,我也找不著為普遍香港美女內在美和外在美兼備的抗辯藉口.
***
然則,不是所有香港美女都是這般那般令人無奈,也不是所有日本美女都是這般那般令人崇愛; 我(其實不只我,還有很多香港土男)亦不是故意去把兩個不同地方的美女去作比較,只是有意無意之間罷. 至少,不少人也察覺,愈來愈多香港美女是注重外在多於內在………….試問問今天的香港美女,十個有多少個會下厨(煲水、煮公仔麫不算在內;不過有些極品有時甚至連這兩樣基本傍身技巧也不通曉,攪得一塌糊塗),會做幾味小菜,會家務;更重要是不好過量名牌,會看時裝扮靚雜誌、八卦雜誌以外的純文字書,沒有很重的小姐或孻女脾氣,會'真真正正'體貼人,會為人著想,待人接物態度成熟而不要那麼inch(有很多自以為帶有幾分姿色的極品美女,奉自己為上品/上菜,以為所有雄性動物都會'冧'她們,會臣服於她們腳下,無論什麼都要人家遷就,以她們為中心,當身邊的雄性動物是家裡的人或寵物狗…)……etc…..
***
其實,有很多人都認同,今時今日,應該為香港美女降低一點要求,只要外表夠'索',就無怨無求,求其就手…可憐的是,到最後人財兩空,抛戈棄甲,抱頭鼠竄,鎩羽而回,才知道一張有著眼睫毛長過鬚的濃粧可愛面孔背後,是那麼棘手和難以捉摸.
***
女網友們看了,請不要生氣; 我重申我沒有惡意誣蔑及加入任何偏頗的意見在內,只是直接陳述客觀事實與我及友人親身真實遭遇. 因為,在我心目中,仍然對香港美女抱有極大的期望. 為了平衡和公正,我也重申,香港賤男也很多,內裡不一的醜態也令我作嘔,有機會我也會出幾篇blog大肆批評,為大家消氣:P
Posted in: 生活, 隨心, 童言瘋語 |
回應(12) | 回應的RSS | 暫時未有引用通告| 
(3)
螂螢
小學壞同學
f@f@
2006 十二月 5 at 1:17 pm 我都見過唔少幾靚既女仔,心地唔好,對朋友家人男朋友都好串,家用唔比仲要拎返轉頭,但永遠嫁得出既都係呢d人,而且仲嫁得幾好。
但香港男人情願要靚&索既壞女人,都唔要性格健全既平凡女人,咁又有咩法子呢?呢d靚女,其實都係比身邊膚淺既男人縱壞晒。
每個地方既男男女女,都有優點缺點,只爭在果種優點係咪男人最愛。例如亞洲男人都鍾意女人靚同埋溫柔,咁日本台灣同korea既女人就有好大market。有d男人就鍾意女人tough,上進同埋獨立,咁香港女人會搵到market,不過少好多。
我有好多性格一流又上進既女性朋友呀,你有冇興趣?
2006 十二月 5 at 10:42 pm 為了證明童顏兄觀察是否屬實，小鹿決定以身犯險，結識多d香江靚女，研究一下，遲d發表研究報告再post上來
2006 十二月 5 at 11:44 pm 基基,永遠衰嘢都會有好結果,問你服未.....唔通真係要做壞蛋先至得善終??
嘻嘻,多謝先啦,基基,多謝你願作紅娘;但係我信隨緣多啲
2006 十二月 5 at 11:46 pm 小鹿,好呀,等你個report,不過你實俾人扭耳仔呢,嘻嘻~
2006 十二月 6 at 3:52 pm 都真係要認命....外表生得靚係著數好多,呢個係事實亦係現實,好似我呢d男人咁,又唔係有錢有才華,又唔係高大靚仔,要lum女真係要外向主動,又要誠意,又話要有風度,又要有幽默感,氹到口乾反唇,先至hehe咁笑一笑,生得靚仔講聲早晨d女都識笑啦,唔駛媾都自動飛埋黎呀.講真每個人同人接觸第一眼一定係見到你既外表先,如果個外表係討好都會多d興趣進一步了解他人,大家三唔識七有邊個咁得閒特登黎了解你既內在,除非識左你一段日子啦,咁係機會上已經輸蝕左比人啦
2006 十二月 6 at 7:06 pm 小學壞同學,fafa,tks for yr nices!!!^^
2006 十二月 6 at 7:54 pm buzzbuzz,世界就係咁唔公平. 生得面如冠玉,就實冧到女,如果要投訴,揾造物主先得啦...但係公平啲講,雄性人類都會對一個女仔嘅靚同唔靚去決定溝唔溝佢就真...如果見到豬扒,你同我都會調頭走,係咪?
不過有啲唔同嘅係,啲女仔會擺到出面個唔likely樣對啲佢哋覺得冇興趣嘅男人/仔,咁會令人好唔爽. 呢啲係香港美女通常嘅特性之一.
2006 十二月 9 at 12:26 am 好多時外表靚就多人追, 那性格未唔好law.
因為唔怕沒有人愛
所以有時未必係靚就好的. 時間過去, 那青春不再
內在美才是重要
不過香港男仔不會意到這樣的事, 個個都認為夠'索',身才可以致都best ...唉@.@
2006 十二月 10 at 1:23 am 菠蘿油公主,人靚未必心靚....啱......可惜呢家有啲香港女仔,仲以為自己好索嘅菜,只會將心機放哂喺外在美,至於培養內在美就完冇落過功夫.....香港大部分男你都係如你所說嗰隻,咁咪相附相成到縱到啲女仔只識包裝外皮囉....失望.
2007 四月 28 at 6:34 pm 我是偶然路過的,覺得你寫的文章很有趣,文風有點像陶才子呢
2007 四月 29 at 12:38 am 螂螢,小學壞同學,Ah-fa, 雖然遲了一點,還是要謝謝你們的nices!!
2007 四月 29 at 12:39 am 一平,你好呀,第一次見面就有你給我的讚賞,好開心呀我. 多謝你賞面睇我啲發up風,純粹係以得意啲角度去講出一啲身邊瑣事; 陶才子? 我都想學佢,但係佢實在太厲害,我不及佢萬分一,我就係螢火,佢至係月亮... 希望你以後多多奉場啦!^^ 呢排總係寫得有啲心灰,有你嘅讚賞,好鼓舞!!